12, అక్టోబర్ 2017, గురువారం

Child labor బాల కార్మిక వ్యవస్థ

బాల కార్మిక వ్యవస్థ...
నా చిన్నప్పుడు ఏ కొట్టుకెళ్లినా.. మా షాపులో బాల కార్మికులు లేరు.. అని పలకమీద రాసి వుండేది. అదేమిటో నాకు అర్ధమయ్యేది కాదు. లేబర్ డిపార్టుమెంటు వాళ్లు బాల కార్మిక సాకుతో దాడులు చేసి మహా మేత మేస్తుంటారని తర్వాత తెలిసింది. మన ప్రభుత్వాలు ఇలాంటి అఘాయిత్యాలను అస్సలు సహించవు కదా! అందుకని.. బాల కార్మిక వ్యవస్థను శాశ్వతంగా నిర్మూలించేందుకు మరింత కఠినమైన చట్టాలను తీసుకొచ్చాయి. బాల కార్మికుడు కనిపిస్తే యజమానిని షూట్ ఎట్ సైట్ ఆర్డరులాంటి చట్టాన్ని తీసుకొచ్చాయి. దానివల్ల ఎన్ని కుటీర పరిశ్రమలు కూలబడ్డాయో, ఎన్ని వేల, లక్షల కుటుంబాలు కునారిల్లిపోయాయో మనకు అనవసరం. మనకు మంచి చట్టం.. ప్రపంచానికే ఆదర్శప్రాయమైన చట్టం వుండడం ముఖ్యం. అన్నట్టు... మార్వాడీలు, గుజరాతీలు తమ పిల్లలను చదువు సంధ్యా లేకుండా తమ కొట్లో పని చేయించుకోవచ్చు. అది వ్యాపార వారసత్వం కిందనే లెక్కవుతుంది కానీ బాల కార్మిక వ్యవస్థ కిందకు రాదు. చట్టంలో ఈ మినహాయింపు వుంది. సామాజిక అభ్యుదయ సంస్థలు ఇలాంటి మినహాయింపులపై మాత్రం నోరు మెదపవు.

కామెంట్‌లు లేవు:

కామెంట్‌ను పోస్ట్ చేయండి

SC ,ST రిజర్వేషన్లు

SC ,ST రిజర్వేషన్లు ... SC ,ST ఉద్యోగుల ప్రమోషన్లలో రిజర్వేషన్లు - పరిశీలన భారత రాజ్యాంగం ద్వారా ఆర్టికల్ 335 ను అనుసరిస్తూ ఆర్టికల్ 16(4)...